منتديات نسيم المطر

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات نسيم المطر

منتديات نسيم المطر


    قصائد لشاعره الراسيه

    الحنووون
    الحنووون
    مشرف
    مشرف


    عدد المساهمات : 58
    تاريخ التسجيل : 12/05/2009

    قصائد لشاعره الراسيه Empty قصائد لشاعره الراسيه

    مُساهمة من طرف الحنووون الأربعاء مايو 13, 2009 6:36 pm

    احبتي اعضاء وزوار منتدى نسيم المطر .., السلام عليكم ورحمة الله وبركاته وبعد,,


    يسرني أن أقدم لكم (( قصائد للشاعره الراسيه )) التي عرفت بتميزها وروعة أسلوبها وقصائدها المعبرهـ
    واليكم الآن بعض القصائد المختاره :

    """""""""""" بنت الفقير"""""""""""""



    مــــن يــــذوب فــــي غــــروره صـفـاتــه يــــا أمــيـــر
    :::::::::::::::::::::::: طــــق صــــدرك لـلـمـراجـل وذوب والــديــه


    مـــن رحــــم فــــي ســاعــة الــذنــب تـجـريــح الـضـمـيـر
    :::::::::::::::::::::::: يـرحـمــه رب يـلــبــي لـعــبــده مـطـلـبـيـه


    مـــا ارفــــع حـجـاجــي بـاأصـلــك وانــــا بــنــت الـفـقـيـر
    :::::::::::::::::::::::: سـاعــة الهـلـكـه لفـتـنـا وكـلــن لـــه يــديــه


    عـــــــــــــــلـــــــــــــــمــــــــــــــــو

















    عـــــــــــــــلـــــــــــــــمــــــــــــــــو



















    عـــــــــــــــلـــــــــــــــمــــــــــــــــو



















    عـلــمــو مـــــن لا تـعــلــم تـــــرى مــالـــي خـشــيــر
    :::::::::::::::::::::::: النـزاهـه فـــي يمـيـنـي وانـــا بـنــت الـنـزيـه


    مــــا احــنــي الـهـامــه لـعـبــد وانــــا ذنــبـــي كـبــيــر
    :::::::::::::::::::::::: ولــو سـجـدت اسـجــد لـــرب يـلـبـي داعـيـيـه


    يــاولــد شــيـــخ الـقـبـيـلـه تـــــرى فــراشـــي حـصــيــر
    :::::::::::::::::::::::: والــدي لاأمسـيـت جنـبـه ثـنــى لـــي سـاعـديـه


    لا تـلــحــفــت بــحــرايـــر ولا شــــفــــت الــحـــريـــر
    :::::::::::::::::::::::: ولا لبـسـت الـذهــب الأحـمــر ولانـــي برتـجـيـه


    زيـنـتــي يـاشـيــخ مــــا هــــي مــــن زكــــاة الــوزيـــر
    :::::::::::::::::::::::: ولا ثمـنـهـا فـــي زمـنــا "ريـــال ولا جـنـيــه"


    زيـنـتــي مــــن ربــــي الــلــي شــفــا عــبــد ضــريـــر
    :::::::::::::::::::::::: نـعـمـة يـنـعـم بـهــا الـلــي هـنـيّـه وسـعـديـه


    مــــا اتـبـاهــى فــــي جـمـالــي عــلــى الـجـمــع الـغـفـيـر
    :::::::::::::::::::::::: لكـنـن روحــي جميـلـه! وشكـلـي مـــا عـلـيـه!!


    مـــا عــرضــت الـسـلـعـه الــلــي لــهــا شــانــن خـطـيــر
    :::::::::::::::::::::::: ولا تغـطـرسـت بجـمـالـي عـلــى هـــذي وذيـــه


    ولا نــســيــت الـــيـــوم سـلـمـي0وعـرفــي 0والـســعــيــر!!
    :::::::::::::::::::::::: لعنـبـو مــن ضــاع عـرفـه ويـلـعـن شـاهـديـه!!!















    ((( أحس إنه غبي )))



    رحت ادور في وجيه عداي للخوه صديـق
    لين ضاقت بـي يمينـي .. ومليـت تعبـي

    أحسبنـي لاتعـزويـت بلقـالـي رفـيـق
    لارفيـق .. ولاعـدوٍ.. ولاحتـى صبـي

    آه ياثقـل الخطـاوي علـى ذاك الطريـق
    طحت من طولي على الدرب الأمحق بركبي

    للزمـن مبـدا ومبـداي مـا أظنـه يفيـق
    لعنبو مبـدأ الصراحـه احـس انـه غبـي

    البحر تحت السفينـه وهـي شبـة حريـق
    والسمـا تمطـر وذا الغيـم مافـاد لهبـي

    والحيـاة وفلسفتهـا وفـزعـات الفـريـق
    علموني كيف الأجناب تطمـع فـي عنبـي

    (يامضاوي يامضاوي) يازفـرات الشهيـق
    ماحـدن غيـرك اليـا راح يبكيـه هدبـي

    من خلق وجه الليالي وانـا مالـي شقيـق
    غيـر حزنـن لالفانـي تلقـانـي يحـبـي

    قمـت البـي لالمحتـه واذا اقفـا اضيـق
    ضيقة اللي شايف الضيم في وجه أعربّـي

    ولالفانـي فـز قلبـي مثـل فـزة عشيـق
    جا يرحب بي وانا اموووت لاقال ارحبـي

    ارحبي يالعنبـو المـوت فعيـون الغريـق
    يهبي شعـرن يخذلـك وانـا حـي يهبـي

    الشعـر لوهـو مقيـد بفكـه لـك طليـق
    والرسـن بيديـك وانتـي تمنـي واطلبـي

    اقسمـي باللـي خلقنـي وبالبيـت العتيـق
    والا فريها على ( مصـر) وحيـاة النبـي

    انـي بحضـرة جنابـك اذا جيتـي اليـق
    والا فضيها.. وقولي قطيعـه وش تبـي؟؟

    وأهجريني يضرب الحب والجرح العميـق
    هجرة اللي ماوفـا لـي ولا طـال شنبـي

    احسبنـي لاتعـزويـت بلقـالـي رفـيـق
    لارفيـق.. ولاعـدو ..ولاحتـى صـبـي

    من عرفت الدمع الأسود وانا حزني صديق
    لعنبو حزنـن اليـا طحـت ماوقـا ركبـي





    (( مليون بالميه ))



    مليت وأنـا أنتظـر ودي ومـاودّي
    مليت من كثر ما أحدك على الجيّـه
    يافاهيا والهجر ماهوب مـن جـدّّي
    تو الهجـر تـو مابانـت مواريّـه
    يوم أمطر الحب قلبك واقفٍ ضـدّي
    زعزع نفوذ الغلا وأشعـل محانيّـه
    راح الغلا لعنبو جدك علـى جـدي
    يالعنبو الحب واللي يجيـب طاريّـه
    حدّّن عليك الزمان وحدّنـي حـدّي
    الين ضاقت وسيعـات الخـلا فيّـه
    بتعود الأيام كان الضيـف ماشـدّي
    وبذكّرك طال عمرك كان أنا حيّه!!
    يوم أطلق الريح قلبي جيت متعـدّي
    تصدع بوجه الشمال وتدفـن الميّـه
    أرتـد ذودك وذودي عنّـك أرتـدّي
    وأقفت تدرهم مجاهيمك على الفيّـه
    ياااامخبلك كيف عقب الصد متحدّي
    خسااااارتك راجحه مليوووون بالميّه
    أربق جنون الكبر تمسي على ردّي
    خل الليالـي تغنـي جنونهـا ليّـه
    قد لي سنه والوجع ثوبه على قـدّي
    بشق جيب الوجع وأصبر على الكيّه
    ياكود طفل الوفا يستر علـى سـدّي
    وأقول ولـى زمانـك لعنبـو بيّـه





    (( وين أقفي بس وين ! ))



    المسا بارد.. وجمرك ما يدفـي
    والليالي سود.. ودروبي صعيبه

    والقراح اللي حسبت انه يكفـي
    شحت أيدينٍ تجيبـه مـن قليبـه

    يبست شفاهي.. وحظي مايوفي
    والغدير ان ما سقاني ويش أبيبه؟

    ليلةٍ كـان اللقـا ماهـو بشفـي
    جا يعاتبني علـى قلـة نصيبـه

    كل ماونيـت منـه قـال قفـي
    وين اقفي بس..؟ ياكبر المصيبه

    البـلا ماكـل موجـوعٍ يخفـي
    خاصةٍ لاجت جروحه من حبيبه

    والوسايد دمعهـا عيـا يجفـي
    والشتاعيّا سحابه عـن شعيبـه

    يوم ذقت المر قال:القلب عفـي
    آآآآه والدنيا ظواهرهـا غريبـه

    الشتا قارس .. وقربك ما يدفـي
    والليالي سود ودروبـك مريبـه




    (( تعود الزلات ))



    حت الغلا.. وأستنزف القلـب تصريـح
    ذابت معاليـق الغـلا.. والغـلا سـاح
    تعـودوا الهفـات. قــومٍ مجـاريـح
    تعـودوا الـزلات مـن كـل جــراح
    ياطيـر ياللـي عذبـتـك المـلاويـح
    والجو: شعف . وبرق . وأمطار. ورياح
    ياطيـر بشـر مـن يريـد التفـاريـح
    انك عليّ أبعـد مـن الصيـن لرمـاح
    ياطيـر وش حـد العيـون الذوابـيـح
    تبكي خبر موت الشهامه ب(صيّـاح)!!
    يـوم الظمـأ يسقـي عيـون التماسيـح
    أبتلت أريـاق العـذارى ل(مـزاح)!!
    ويوم الولـه لـه فـي حنايـاي تلويـح
    صار الهجر مابين مضـوى ومسـراح
    لاغرتـك دنيـا الـفـرح والتمـازيـح
    فالقلب كنه بيـن أصابعـك مسبـاح!!
    ياورّد.صـار الشـرب منـك شلافيـح
    ياعزتـي للهـيـل 0والـبـن لافــاح
    يومـه ورد داري أركـابٍ مشـاويـح
    أسقيتهـا ليـن الظمـأ منهـا أنــزاح
    حنـا نصـون أهـل الوجيـه المفاليـح
    ومن صاننا لـو عانـد الوقـت ماطـاح
    نسّـرح اللـي بايـع الحـب تسّـريـح
    عندي الكرامه رفرفـت مثـل الأرواح
    رااااااح الغلا 0يكفيـك ياطيـر تلميـح
    أرخصت نفسك والعوض فيك وضّاح!!




    ملاحظة : ذكرت الشاعره الكبيره الراسيه بأن ( * صــيــاح و وضّـــــاح * ) هم اسماء لصقور والدها يرحمه الله



    (( العطش المتورط بالحلال ))



    امــا تـمـوت لظـمـاي00او تشـربـن كـلــي
    ................. والا نتلاقى وكلـن يشـرب الثانـي
    كــم ليـلـة مــا رشـفـت الـمـاي ياخـلـي؟؟
    ................. يبسن حنايا الضلوع وجيت شفقانـي
    اهـرجـك لا مـتـى ياصاحـبـي0000 قـلــي؟؟
    ................. الى متى الموت لا شفتـك تغشانـي
    ياعلـقـم الـحـب لا عــز الشـهـد مـن00لـي؟؟
    ................. وياهمي اللي يهز اعمـاق وجدانـي
    جيـت العـب الحـب هلـي بــي وانــا اهـلـي
    .............. جيت ارمس شوي واسمع صوتك الحاني
    واضحـيـت واثــر الليـالـي سيفـهـا سـلــي
    ................. يامسرع الوقت كنه رعشـة اجفانـي
    وهمسـت لـي بالغـرام وصـحـت لــك عـلّـي
    ................. علي ترى الهمس يامضنوني اشقانـي
    تكـفـى دخيـلـك تــرى حـــرم اللقـاحـلـي
    ................. تعال00غن القصايـد بـس علشانـي
    تـعـال زل الـهـوى مــن رعـشـتـي زلـــي
    ................. زل الهوى ما تحمل سكـرة اعيانـي
    يـاخـل والله لـــو انـــك شـــاربٍ ذلـــي
    ................. يموت قلبك عطش ما يموت ريانـي
    تـعـااااااال اشــرب ظمـاك0اواشـربـن كـلــي
    ................. خلنا نتلاقى وكلـن يرشـف الثانـي





    ((اشرب من البحر هذي زبدة أخباري))



    الوعـد باكـر اليـامـن هــزك الـطـاري
    ........... وترياقك المر مـره مـن معاليقـه
    "
    الوعـد باكـر وحـانـت لحـظـة ابـحـاري
    ................ الله يعوض خفوق قل توفيقـه
    "
    اشـرب مـن البحـر هـذي زبـدة اخبـاري
    ............ ولي مع الليـل لاخـان بمواثيقـه
    "
    لاغـرك الصبـح لـيـل البـارحـه عــاري
    ......... والغيم الابيض زمانـن مابلـع ريقـه
    "
    اعكـف علـى الشعـر ردد جملـة اشعـاري
    .............. وصل نذرته حرام حل تفريقـه
    "
    يطـول فيـك الـمـدى ماتلـحـق اعــذاري
    ............. الله خلقنا ويفـرق فـي مخاليقـه
    "
    ودعـتـك الله بعيـنـن رمشـهـا ســـاري
    ............. الحر لامن كفـخ ماسبقـه يعيقـه
    "
    يامضـرم النـار منـت الصـادق الـضـاري
    ...........0.ودعتك الله بقلب ماهوى الضيقـه
    "
    الفـارس الـلـي لفـانـي بـيـح اســراري
    .......... اموت واظمأ لشوف الجمره تريقـه
    "
    امـوت لاذاب ثلجـه مــن لـظـى نــاري
    ............ بدرا لمع بالظـلام وحـل توثيقـه
    "
    الوعـد باكـر يجيـبـك صــوت جـهـاري
    ............. لاغرب القرب صوتك عز تشريقه
    "
    الوعـد بـاكـر وبـاكـر مالـكـم طــاري
    ........... وترياقي العـذب عذبـات معاليقـه





    ((قــصـــيـــدة التحدي))




    يميـن الله يميـن الله لأعلـمـك التـحـدي كـيـف ؟
    :::::::::: واعلمك القصيد شلون يخضع لي وانا بنيـه


    واعلمـك السمـا وشلـون تمطـر والليالـي صـيـف
    :::::::::: واعلمك المذاهـب الأربعـه وتبيـت النيـه


    انـا بقولهـا لـك جد00تـرى مـا ينفعـك ياحـيـف
    :::::::::: واذا انك "انس" ياعمي تراني سـاس جنيـه


    انا ما ارد لك شـوري وشـوري مثـل حـد السيـف
    :::::::::: اليا منه بتـر يبتـر بوقـت السلـم والهيـه


    يقولون السما زرقـا وانـا اقـول البحـر والسيـف!!
    :::::::::: بهم نفس الزراق اللي نشوفـه بالسمـا زيـه


    يقولون الفضا واسـع وانـا اقـول المـدى مـا شيـف
    :::::::::: اجل وشلون لا شافو فضاهم للمـدى فيـه!!


    مداي اكبـر مـن وجيـه بهـا كـذب ونفـاق وزيـف
    :::::::::: وصداي ارحب من نفوس الرجال وكل نشميه


    امـد الكـف واراهـن واعـرف صيغـة التعـريـف
    :::::::::: مدام ان الوجيـه السـود والكفيـن مقريـه


    وضوحي مثل عيـن الشمـس مـا يحتـاج للتوصيـف
    :::::::::: واعرف ان الجهامه عن وجيه القوم مطويـه


    تـرى هـذا قصيـدي جـاك بـلا غـش ولاتحريـف
    :::::::::: واذا منك لمست سهيل 00تعال وصافح يديـه
    __________________________________________________ ___


    أتمنى بأن وفقت في الأختيار وأن حازت على رضاكم واستحسانكم

      مواضيع مماثلة

      -

      الوقت/التاريخ الآن هو الجمعة مارس 29, 2024 12:00 am